Bakı-Qazax magistralının 241-ci kilometrliyində yerləşən Ucar rayon avtovağzalı ləğv edilir.

Avtosfer.az-ın məlumatına görə, avtovağzalın ərazisi artıq dəmirlərlə hasara alınıb. 

Rayon sakinlərinin bildirdiyinə görə, avtovağzalın ərazisində yeni market tikiləcək.

Rəqəmsal İnkişaf və Nəqliyyat Nazirliyindən “Unikal”ın sorğusuna cavab olaraq bildirilib ki, sahibkar avtovağzalı işlətmək üçün 2010-cu ildə icazə sənədi alıb:

“Hazırda isə Ucar rayonunda yerləşən həmin obyektin avtovağzal kimi fəaliyyət göstərməsi dayandırılıb”.

Qeyd edək ki, rayonda yeni avtovağzalın tikiləcəyi haqda məlumat yoxdur. 

“Unikal”