Zaqatalanın rayon mərkəzindən 30 km uzaqlıqda yerləşən Uzunqazmalar kəndinin sakinləri yolsuzluq problemi ilə üz-üzə qalıblar. 

Qışda palçıq, yayda isə toz-torpaq əlindən yolda hərəkət etmək müşkülə çevrilib. 

Sakinlər deyirlər ki, yolun vəziyyətinə görə kəndə təcili yardımın gəlib-qayıtması çətin olur. 
Bu günədək bir dəfə də olsun asfalt üzü görməyən yolun vəziyyəti ilə bağlı kənd bələdiyyəsindən bildirilib ki, aidiyyəti qurumlar problemdən xəbərdardır. Azərbaycan Avtomobil Yolları Dövlət Agentliyindən yolun 2019-cu ilin avqustunda asfaltlanacağı bildirilsə də, verilən vəd hələ də yerinə yetirilməyib.

Ətraflı Baku TV-nin süjetini təqdim edirik: