Cari ilin ilk rübündə Rusiyada 248 700 minik avtomobili istehsal olunub ki, bu da 2021-ci ilin müvafiq dövrü ilə müqayisədə 32% azdır.

 Avtosfer.az-ın motor.ru-ya istinadla xəbərinə görə, bu barədə “Russian Automotive Market Research” marketinq agentliyi məlumat yayıb. 
Geriləmədən ən çox minik avtomobili istehsalçıları əziyyət çəkib. 2021-ci illə müqayisədə istehsal fevralda 60,5, martda 70% azalıb. 
Hesabat dövründə yüngül kommersiya avtomobillərinin istehsalı 10% geriləyərək 25 200-ə düşüb. 
Avtobus və yük avtomobillərinin sayı isə nisbətən artıb. Rüb ərzində 2700 avtobus (6% çox) və 17 400 yük avtomobili (9% çox) istehsal edilib. 
 
Maraqlıdır ki, statistikanı böyük xəbər agentliklərinin heç biri yaymayıb. Səbəb məlumdur.

Vüqar Yaşaroğlu