“Uzunluğu təxminən 5 km olan Yardımlı-Abasabad yolunun tikintisinə dövlət başçısı tərəfindən təxminən 6 milyon manat vəsait ayırmışdı ”.

Avtosfer.az xəbər verir ki, bunu Milli Məclisin bu gün keçirilən iclasında deputat Musa Qasımlı deyib. Deputat bildirib ki, 1 il keçdi, o yol dağıldı: “Hesablama Palatası bildirmişdi ki, bəzi tədbirlər görəcək. O yoldan insanlar tez-tez istifadə edir”.

Hesablama Palatasının sədri Vüqar Gülməmmədov isə bildirib ki, həmin məsələ ilə bağlı hələ cari ildə nəzarət tədbiri başlamayıb: “Təqribən bu ilin 3-cü rübünün sonuna Yardımlı-Abasabad yolu ilə bağlı kənar dövlət nəzarəti tədbirinin yekunları ilə bağlı Milli Məclisə rəy təqdim ediləcək”.