Metroda qatar gözləyən qadın başqa bir sərnişin tərəfindən platformadan itələnib.

“Haber Global”ın məlumatına görə, hadisə Kanadanın Toronto şəhərində “Bloor-Yonge” stansiyasında baş verib. Sərnişinlərin köməyi ilə zərərçəkən qadın qatar gəlməmiş platformaya çıxa bilib. Müşahidə kameralarının qeydlərini götürən polis şübhəlini dərhal saxlayıb. Məlum olub ki, bu, Edit Freyn adlı 45 yaşlı qadındır. Hadisə ilə bağlı cinayət işi açılıb.