Paytaxtda avtobusun təhlükə saçan görüntülərini oxuculardan biri qeydə alaraq Avtosfer.az-ın qaynar xəttinə göndərib. Hadisə Bakının Şəfaət Mehdiyev küçəsində qeydə alınıb. 
Videoda göründüyü kimi  “Bakubus”-a məxsus 99-JU-367 dövlət  nömrə nişanlı avtobusunda nasazlıq yaranıb. 
Avtosfer.az xəbər verir ki, sıxışdırılmış qaz sistemiylə çalışan avtobusun qurğusu güclü külək səbəbiylə qopub. Videonu qeydə alan şəxs bildirib ki, avtobusun sürücüsü hadisədən xəbərdar olub. Lakin buna baxmayaraq ictimai nəqliyyatı idarə etməkdə davam edib. Bununla o ətrafdakı digər nəqliyyat vasitələri və piyadalar üçün təhlükə yaradıb. Halbuki sürücü sərnişinləri evakuasiya etməli, avtobusu təmir meydançasına aparmalı idi.

Nərminə Əli