Rusiyanın Yakutiya Respublikasında federal trasda baş vermiş avtoqəzada 4 nəfər həyatını itirib.

Avtosfer.az xəbər verir ki, bu barədə Rusiya Yol Hərəkəti Təhlükəsizliyinin Dövlət İnspeksiyasının yerli bölməsi məlumat yayıb. Məlumata görə, "Nissan" markalı avtomobil "Mitsubishi" markalı avtomobilin yolun çıxıb və nəticədə qəza baş verib. Zərbə nəticəsində "Nissan"-ın sürücüsü və sərnişini hadisə yerində vəfat ediblər. Digər avtomobilin sürücüsü və sərnişini də aldıqları xəsarətlərdən hadisə yerində keçiniblər. "Mitsubishi"-nin digər 3 sərnişini isə müxtəlif dərəcəli bədən xəsarətləri ilə xəstəxanaya çatdırılıb.