Bakıda qəza şəraiti ilə üzləşən sürücü qeydə aldığı videonu redaksiyamızın elektron ünvanına göndərib. Avtosfer.az xəbər verir ki, martın 29-da, paytaxtın hava limanı yolunda hərəkət edən sürücünün qarşısına qəfildən yük arabası çıxıb. Hadisə "Rahat" marketin qarşısında baş verib. Sürücünün sözlərinə görə, külək mağazanın qarşısında olan arabanı yolun hərəkət hissəsinə tərəf çıxarıb. 

Küləkli hava şəraitində yük arabalarının və zibil qablarının avtomobil yoluna çıxaraq sürücülərə təhlükə yaratmasının dəfələrlə şahidi olmuşuq. Bu cür halların baş verməməsi üçün təkərli arabalar və qablar elə yerdə yerləşdirilməlidir və ya bərkidilməlidir ki, küləyin təsirindən hərəkət iştirakçılarına maneə yaratmasın.

Şəfa