"Qoca
və hiyləgər maliyyə dahisi Corc Soros özünü yeni seçkilərdə sınayacağının
anonsunu verib. Yox, söhbət cənab Sorosun seçkilərdə qanuni iştirakından
getmir, məsələnin qayəsi maliyyəçinin seçki prosesini öz xeyrinə dəyişmək cəhdlərindən
gedir”.
Sfera.az xəbər verir ki, bu sözləri
siyasi məsələlər üzrə ekspert Aqşin Kərimov deyib.
Onun sözlərinə görə, bu ilin aprelində
Macarıstanda ümumxalq seçkiləri keçiriləcək və Soros vaxtilə buradan
qovulduğunun acığını çıxmaq niyyətindədir:
"Macarıstan hökuməti bir neçə il öncə
Sorosu miqrantların Avropaya yerləşdirilməsi üçün plan qurmaqda təqsirləndirirdi.
Macarıstanda Sorosun təsisçisi olduğu
fondların və dəstəklədiyi qeyri-hökumət təşkilatlarının fəaliyyətlərini nəzarətə
almaq, maliyyə dəstəklərini məhdudlaşdırmaq üçün "Sorosu dayandırın” adı verilən
qanun mövcuddur.
Macarıstanın Baş naziri Viktor Orban
C.Sorosu tənqid edir, onu Macarıstan siyasətinə müdaxilədə, liberal müxalifətə
rəhbərlikdə suçlayır.
Seçki prosesi ölkə üçün həssas nöqtələr
yaradır, görünür, Soros bu nöqtələrə təmas etməklə yenidən Macarıstanı əlinin
içinə almağa cəhd edir.
Soros onun fəaliyyətinə "nöqtə” qoyan
Macarıstan hökumətini bağışlamır, çağırış edir ki, apreldə keçiriləcək seçkilərdə
Macarıstan xalqı Viktor Obranı baş nazir kürsüsündən devirməlidir”.
Ekspertin sözlərinə görə, Soros şəxsi sərvətinin
32 milyard dollardan çoxunu "dünya işlərinə” xərcləyib, ən azından onun özünün
rəsmi təqdimatında yer alan məlumatlarda bu haqda yazılıb:
"Milyarder Soros 2019-2020-ci illərdə
dünyadakı seçki nəticələrinə təsir etmək üçün demokratik qruplara 80 milyon
dollar pul buraxıb. İndi isə bu rəqəmin həcmi böyüyür, Soros
2022-ci ildə dünyadakı seçkilər və ondan sonrakı dövr üçün özünün kurasiyasında
olan demokratik qruplara və "demokrat namizədlərə” kömək məqsədilə 125 milyon
dollarlıq bir platforma qurur.
Macarıstan Azərbaycan və Türkiyə üçün də
mühüm tərəfdaşdır və o, Türk Dövlətləri Təşkilatında müşahidəçi qismində təmsil
olunur. Soros Azərbaycanı da, Türkiyəni də hədəf
alan fiqurantdır, ona görə də Macarıstanda özünün zühurunu təmin etsə, bu, Bakı
və Ankara ilə də münasibətlərə təsirsiz ötüşməyəcək”.
Turan Rzayev