Başda ABŞ olmaqla, Qərb də Ukraynada ehtimal edilən rus hücumunun hər an başlaya biləcəyi mesajını verdiyi zaman, işğalın bu həftə olacağı iddiası gündəmi zəbt edib.
Sfera.az bildirir ki, digər tərəfdən işğal planlarının qarşısında ən böyük əngəl olaraq görülən Çin Olimpiya Oyunları bu həftə yekunlaşır. Bu fonda ABŞ-ın
Gürcüstandakı hazırkı səfiri İan Kellinin son açıqlaması diqqət çəkib. O, çıxışı zamanı "qarşıdakı 10 gün kritik olacaq”, - deyə söyləyib:
"Yaxın bir neçə gündə Rusiyanın Ukraynaya müdaxiləsi baş verməsə belə, Avropa sabitliyi və Şərq-Qərb münasibətlərinin gələcəyi balansda olduğu bir dövrdə böhran vəziyyəti dönüş nöqtəsindədir. Bu həftə işlərin sülh yolu ilə həll olunub-olunmayacağını müəyyən edə bilər”.
Xatırladaq ki, bir neçə gün bundan qabaq, Ağ Ev sahibi Bayden ABŞ kəşfiyyatının məlumatına əsasən, işğalın çərşənbə günü istənilən vaxt baş verə biləcəyini bildirmişdi. O, həmçinin Ukraynanın paytaxtı Kiyevdən səfirlik işçilərinin demək olar ki, hamısının təxliyə edildiyini söyləmişdi.
Günay Rəsulqızı
Sfera.az