Moldovanın dövlət katibi Ruslan Bolboçan GUAM-ın baş katibi Altay Əfəndiyev qəbul edib.
Sfera.az xəbər verir ki, bu barədə məlumat Moldova Xarici İşlər Nazirliyinin tviter səhifəsində yer alıb.
Məlumata görə, səmərəli keçən görüşdə tərəflər Moldovanın sədrliyinə köklənən prioritetlər ətrafında fikir mübadiləsi aparıb.
Xatırladaq ki, fevralın 7-də Ukrayna Prezident Administrasiyası rəhbərinin müavini Andriy Sibiqa Demokratiya və İqtisadi İnkişaf Uğrunda Təşkilatın - GUAM-ın Baş katibi Altay Əfəndiyevlə görüşüb.
Qeyd edək ki, GUAM - Demokratiya və İqtisadi İnkişaf naminə Təşkilat 1997-ci ildə yaradılıb. Hazırda təşkilata Gürcüstan, Ukrayna, Azərbaycan və Moldova daxildir.