Fevralın 24-dən etibarən Ukraynaya uçuşları ləğv edən Türk Hava Yolları (THY) bu müddəti martın 21-nə qədər uzatdığını açıqlayıb.

“24 fevral - 21 mart 2022-ci il tarixləri arasında Ukraynaya hər iki istiqamətdə bütün reyslərimiz ləğv edilib. Bu müddət üçün bilet alan sərniişinlərimiz onu dəyişdirmək və ya geri qaytarmaq hüququna malikdirlər”, - deyə məlumatda bildirlib.

Həmçinin, aviaşirkət Kişinyova (Moldova) martın 21-dək, Rostova (Rusiya) isə martın 20-dək uçuşları ləğv etdiyini qeyd edib.

Mənbə: TRT