"Hörmətli həmkarım, təhsil naziri Emin Əmrullayevlə birgə Rəqəmsal İnkişaf və Nəqliyyat Nazirliyi və Təhsil Nazirliyi arasında əməkdaşlıq barədə Niyyət Protokolunu imzaladıq. Bu sənəd əsasında ilk olaraq Sumqayıt şəhərində yerləşən “İstedad” liseyinin nəzdində “İnnovasiyalar” mərkəzi yaradılacaq." Avtosfer.az xəbər verir ki, bu barədə rəqəmsal inkişaf və nəqliyyat naziri Rəşad Nəbiyev öz "Facebook" səhifəsində yazıb. O bildirib ki, imzalanma mərasimindən sonra liseyin şagirdləri ilə görüşüb. "Onlarla texnoloji bilikləri artırmağın yolları, peşə seçimi və gələcəyin peşələri barədə söhbət etdik. İnanıram ki, “İnnovasiyalar” mərkəzi şagirdlərin informatika, robotiks sahələrinə marağını artıracaq, uşaqlara kodlaşdırma qabiliyyətinə yiyələnməyə şərait yaradacaq və onları gələcəkdə təkcə iş yeri tapmağa deyil, iş yeri yaratmağa təşviq edəcək".
Texniki baxış rüsumu: 30 man
Qeydiyyat şəhadətnaməsi: 30 man
Nömrə nişanı: 30 man