Rəqəmsal İnkişaf və Nəqliyyat Nazirliyi yolu bağlayan yük avtomobillərinə görə heç kimin işdən çıxarılmadığını bildirib. Nazirlikdən Avtosfer.az-a daxil olan məlumata görə, yayılan xəbər həqiqəti əks etdirmir: "Nə Xidmətin rəisi Anar Rzayevə xəbərdarlıq edilib, nə qədə qurumun şöbəsinin müdiri Malik Əliyev işdən çıxarılıb”.

***

Rəqəmsal İnkişaf və Nəqliyyat naziri Rəşad Nəbiyev Bakıda 4 yük maşınının Heydər Əliyev prospektində yolu bağlaması ilə bağlı təcili iclas keçirib. Avtosfer.az xəbər verir ki, iclasda nazirliyin yanında fəaliyyət gösətərən Azərbaycan Yerüstü Nəqliyyat Agentliyinin (AYNA) İdarə Heyətinin sədri Anar Rzayev və bir sıra rəhbər şəxslər iştirak ediblər. Nazir baş verən hadisə ilə bağlı araşdırma qrupu yaradıb. Yaxın saatlarda Rəqəmsal İnkişaf və Nəqliyyat Nazirliyinin olayla bağlı rəsmi açıqlaması olacaq.

Rəşad Nəbiyev baş verən hadisəyə görə AYNA-nın sədri Anar Rzayevə xəbərdarlıq edib, qurumun daşımaların tənzimlənməsi şöbəsinin müdiri Malik Lətif oğlu Əliyevi isə vəzifəsindən uzaqlaşdırıb.

Rəqəmsal İnkişaf və Nəqliyyat Nazirliyi yaxın saatlarda baş verən hadisə ilə bağlı açıqlama verəcək.