Dünən Prezident İlham Əliyev “Gülüstan” sarayında Azərbaycan gəncləri gününün 25 illiyinə həsr olunmuş gənclər forumu çərçivəsində bir qrup gənclə görüşüb.
Həmin gənclər arasında Avtosfer.az-ın əməkdaşı Şəfa Nəsibova da iştirak edib. Şəfa görüşlə bağlı təəsüratlarını bölüşüb. “Artıq bir neçə ildir ki, gənclər sahəsində fəaliyyətim var. Müxtəlif dövrlərdə tədbirlərdə iştirak etmişəm. Amma bu mənim üçün ilk və çox əhəmiyyətli bir görüş oldu. Prezident İlham Əliyevi yaxından görmək, onunla birbaşa canlı ünsiyyətdə olmaq ilk növbədə qürurvericidir.”
Şəfa deyir ki, İlham Əliyevin səmimi çıxışı və diqqət etdiyi məsələlər çox önəmli idi. “Prezident hər bir cümləsində bizə birbaşa motivasiya verirdi. Məsələn, elə idmanla bağlı tövsiyəsi çox maraqlı idi.”
Eyni zamanda Qarabağla bağlı münasibət Şəfanın diqqətini çəkib. “Prezidentin Şuşa haqqında fikirləri məni çox duyğulandırdı. Mən əslən Şuşadanam. Amma orda doğulmasam da bir gün bu torpaqlara qayıdacağımıza əmin idim. Bu gün qürurla Şuşa deməyimizi ordumuza və müzəffər Ali Baş Komandanımıza borcluyuq.”
Qeyd edək ki, Şəfa Nəsibova gənc jurnalist olaraq bu Foruma qatılıb.
Texniki baxış rüsumu: 30 man
Qeydiyyat şəhadətnaməsi: 30 man
Nömrə nişanı: 30 man