Yasamal rayon sakinlərinin Avtosfer.az-a müraciətinə yol polisi dərhal reaksiya verib. Belə ki, bu gün sakinlər saytımıza müraciət edərək bildirmişdilər ki, Mətbuat prospektində ("Hayat" klinikasının qarşısında) digər binanın sakinləri avtomobillərini ara küçədə park edərək yolu zəbt edirlər. "Sözügedən küçədə hər istiqamətə bir zolaq var. Ərazidə 6 bina var. Həmin binalardan birinin sakinləri avtomobilləri küçənin sağ zolağında park edərək yolu keçilməz edirlər. Qarşıdan maşın gələn zaman isə biz məcbur olub Mətbuat prospektinə kimi geriyə hərəkət etməli oluruq. Yerdə bütöv xətt və xəttin ortasında konuslar olmasına baxmayaraq sürücülər buna əhəmiyyət vermədən maşını orada saxlayırlar".
Yasamal rayon Dövlət Yol Polisi Şöbəsinin əməkdaşları sakinləri narahat edən məsələnin həlli üçün əraziyə yollanıb. Qısa müddətdə orada qanunsuz park edilən avtomobillərin sürücüləri aşkar edilib və onlar cərimələniblər. Ərazi DYP əməkdaşları tərəfindən maşınlardan təmizlənib və nəzarətdə saxlanılır.
Texniki baxış rüsumu: 30 man
Qeydiyyat şəhadətnaməsi: 30 man
Nömrə nişanı: 30 man