Maraqlıdır, Bennetin bu çağırışına dünya gücləri hansı şəkildə cavab verəcək? Bennetin ciddi narahatlığının səbəbi nədir?

"Məlum olduğu kimi, İranla aparıcı dövlətlər arasında İranın nüvə proqramı ətrafında aparılan danışıqların 8-ci mərhələsi başlayıb və ilkin razılaşmalar haqda məlumatlar gəlməkdədir. Doğrudur, tərəflər tam razılaşma əldə etməkdən hələ çox uzaqdır, amma danışıqların davam etdirilməsi müəyyən müddətdən sonra istənilən nəticənin əldə olunacağını istisna etmir. Çünki həm İran, həm də Amerika Birləşmiş Ştatları müsbət nəticə üçün çalışırlar. İranla danışıq aparan dövlətlər arasında razılığın əldə olunması və sanksiyaların aradan qaldırılması İsrailin qorxduğu ən arzuolunmaz nəticədir. Yəhudi dövləti əlində olan imkanlardan istifadə edərək İranın nüvə proqramının qarşısını birdəfəlik almaq və İran iqtisadiyyatını ciddi təhlükəyə məruz qoymaq istəyir. Görünən budur ki, İranın nüvə proqramı sahəsində aparıcı dövlətlərlə birlikdə əldə edəcəyi razılaşma heç bir halda İsrail tərəfindən qəbul edilməyəcək. Məhz buna görə də İsrailin Baş naziri Naftali Bennet hələ razılıq əldə edilmədən onu təhlükəyə atır”.

"Naftali Bennet nəzərdə tutulan razılaşmaya qarşı çıxmaqla heç də yeni strategiya irəli sürmür. Ondan əvvəlki Baş nazir Benyamin Netanyahunun da mövqeyi eyni idi. Netanyahu və Yəhudi lobbisinin Donald Trampa təzyiqi Amerikanın İranla bağlanmış müqavilədən çıxması ilə nəticələndi. İndi digər dövlətlər tarixin təkərini geri çevirməyə - ABŞ-ı yenidən müqaviləyə daxil etməyə çalışırlar. Bayden isə İranla münasibətlərin normallaşdırılması haqqında bəyanatlar verməkdə davam edir.

 

Əzizə Zeynal