"İranın
xarici işlər naziri Hüseyn Əmir Abdullahian Azərbaycan tərəfinə regionda olan
problemlərə İsrailin müdaxilə etməməli olduğunu bildirib”.
Sfera.az
xəbər verir ki, bunu siyasi məsələlər üzrə ekspert Aqşin Kərimov İran XİN rəhbərinin
Azərbaycana səfərini şərh edərkən bildirib. Ekspert görüşdəki gizli məqamlardan
danışıb:
"İranın
xarici işlər naziri Hüseyn Əmir Abdullahianın səfərindən sonra keçirilən mətbuat
konfransında verilən bəyanatların ümumi məzmunundan aydın oldu ki, Bakı-Tehran
münasibətlərində iqtisadi prioritetlər ortaq maraqlar yaradır. Siyasi məsələlərdə
isə fikir ayrılıqları qalır. Məsələn, Hüseyn Əmir Abdullahian İsrailə mesaj olaraq belə bir fikir səsləndirdi:
"Regionda olan problemlərə üçüncü ölkələr müdaxilə etməməlidir”.
İqtisadi
əlaqələrin şaxələndirilməsi yaxşı haldır, bu, siyasi problemləri də arxa plana
atır. Əslində İranda prezidentlik institutunun üzərinə qoyulan öhdəliklərin ana
xəttini xarici ölkələrlə iqtisadi münasibətlərin tənzimlənməsi təşkil edir. Bu
mənada Abdullahianın "İran Prezidenti İbrahim Rəisinin prioritetlərində Azərbaycanla
münasibətlər xüsusi yer tutur” deməsi daha çox iqtisadi prioritetlərin elanıdır”.
A.Kərimov
qapalı görüşdə İranın yenidən ali dini rəhbərinin Azərbaycan üzrə nümayəndəsini
ölkəmizə göndərmək istədiyini vurğulayıb:
"Abdullahianın
səfərində digər məqsəd bu idi ki, İran yenidən ali dini rəhbərin Azərbaycan üzrə
nümayəndəsini ölkəmizə göndərsin (Bakı-Tehran münasibətlərində gərginlik
yarananda Ocaqnejad Azərbaycandan qaçmışdı. İndi bu post boş qalıb). Şübhə yeri
qalmır ki, İran tərəfi qapalı görüşlərdə bu məsələni qaldırıb. Azərbaycan tərəfinin
bu təklifi qəbul edib-etmədiyini deyə bilmərik, amma qəbul edərsə, bunun üçün şərtlər
ortaya qoyur.
Yəni
deyir ki, ali dini liderin nümayəndəsinin fəaliyyət dairəsi və funksiyası məhdud
çərçivədə olsun, Azərbaycan dövlətinə qarşı ideoloji mühərrikə çevrilməsin. Nəticı
isə belədir ki, iqtisadi maraqlar iki ölkənin münasibətləri üçün
stimullaşdırıcı amildir. Bu, çox yaxşıdır”.
Əzizə
Zeynal