Fransanın Pyu-de-Dom departamentində şəxsi helikopterin qəzaya uğraması nəticəsində iki nəfər həlak olub.

“Report” xəbər verir ki, bu barədə “Agence France-Presse” yerli jandarmaya istinadən məlumat yayıb.

"Hadisənin səbəblərini hələ bilmirik", - agentlik mənbədən sitat gətirib.

Qeyd olunur ki, helikopter Beal keçidində alov içində tapılıb. Xilasedicilər gələnə kimi helikopterdəki insanlar həlak olub.

Ölənlərin şəxsiyyəti müəyyən edilməyib.

Araşdırma aparılır.