Bəziləri komediyaçı, bəzləri işçi, bəziləri futbolçu... Dünya siyasətini formalaşdıran adların bir çoxu karyeralarına müxtəlif peşələrlə başlayıblar.

"Unikal"  həmin şəxsləri  sizə  təqdim edir:

 Dünyanın ən məşhur daşınmaz əmlak agenti -  Donald Tramp

ABŞ-ın keçmiş prezidenti Donald Trampı dünyanın ən məşhur daşınmaz əmlak agenti adlandırmaq olar. Tramp ilk olaraq atasının tikinti yerlərindən butulkaları yığaraq cib pulunu qazanmağa başlayıb. Daha sonra o, kirayəçilərdən kirayə pulu yığmaqda təcrübə toplayıb və ailə biznesi olan daşınmaz əmlak sahəsində çalışıb.

Hüquqşünas olan rəhbər  - Co Bayden

ABŞ-ın hazırkı prezidenti Co Bayden keçmiş hüquqşünasdır, əvvəllər o, ABŞ-ın keçmiş prezidenti Barak Obamanın köməkçisi olub. Bildirək ki, Portuqaliya prezidenti Marselo Rebelo de Sousa və Almaniyanın yeni kansleri Olaf Şolz da keçmiş hüquqşünaslardır.

Rusiya prezidenti Vladimir Putinin bir vaxtlar çörəkpulu qazanmaq üçün taksi sürücüsü kimi fəaliyyət  göstərib. 

Putin 1991-ci ildə Sovet İttifaqının dağılmasından sonra gəlirlərini artırmaq üçün taksi sürücüsü işləməli olduğunu sənədli filmlərin birində vurğulayıb:

"Bəzən əlavə gəlir əldə etməli olurdum. Sürücü kimi maşınla pul qazanırdım. Düzünü desəm, o dövr haqqında danışmaq xoşagəlməzdir, amma belə idi".

Rusiya lideri Putin o dövrləri təsvir edərkən hətta təcili yardım maşınlarının da taksi kimi istifadə edilməli olduğunu qeyd edib. 

Qeyd edək ki,  Putin KQB-nin, Sovet İttifaqının təhlükəsizlik xidmətinin və Sankt-Peterburqun keçmiş agentidir. Onun bir müddət Sankt-Peterburq meri Anatoli Sobçakda çalışdığı da məlumdur.

Komediyaçı prezident -  Vladimir Zelenski

Ukrayna prezidenti Vladimir Zelenskinin hekayəsi maraqlıdır. Zelenskinin hüquq təhsili var, amma əslində komediya ustasıdır. 17 yaşında qurduğu komiks qrupunu prodüser şirkətinə çevirdikdən sonra bu proses onu milyonçu edib. Zelenski televiziyada qondarma prezident obrazını canlandırdıqdan sonra öz rolunu reallığa çevirərək ölkə administrasiyasının rəhbəri olub. 

Fransa prezidenti yüksək səviyyəli bankir olub  

Fransa prezidenti Emmanüel Makron iqtisadi sektordan gəlir. Bir müddət Fransa İqtisadiyyat Nazirliyində maliyyə müfəttişi işləyən Makron yüksək vəzifələrdə də bankçılıqla məşğul olub.

Əvvəl jurnalist, sonra siyasətçi...

Böyük Britaniyanın baş naziri Boris Conson keçmiş jurnalistdir. Oksford məzunu Boris Consonun işlədiyi iki qəzetin hər ikisi mühafizəkardır. 1987-ci ildə "Times" qəzetinin müxbiri kimi başlayan karyerası "Daily Telegraph"da davam edib.  Yazıları ilə bir çox qalmaqallara səbəb olan Conson siyasi karyerasına 2001-ci ildə parlamentə seçilərkən başlayıb. Daha sonra o, 2008-2016-cı illər arasında keçirilən 2 seçkidə qalib gələrək London meri vəzifəsini icra edib.

Finlandiya baş nazirinin peşəsi diplomatik böhrana səbəb olmuşdu: “Klerk Girl”

Finlandiyanın 34 yaşı olan və vəzifəyə gələndə ən gənc baş nazir olmuş Sanna Marinin keçmiş işi hətta diplomatik problemlərə səbəb olub. Finlandiyanın baş naziri fəhlə ailəsində universitetə ​​daxil olan ilk şəxs olub və təhsil aldığı müddətdə məmur işləyib.

Futbolçu lider -  Corc Veah

Afrika qitəsinin beynəlxalq aləmdə ən məşhur lideri Liberiya prezidenti Corc Veahdır. Prezident Veah 1985-2003-cü illərdə peşəkar futbol oynayıb və hücumçu kimi çıxış edib. 

Uğurlu futbol tarixi olan Veah 1994-95 mövsümündə də UEFA Çempionlar Liqasının bombardiri olub. 3 uğurlu mövsümdən sonra 1995-96 mövsümünün əvvəlində İtaliyanın elit klubu "Milan"a transfer olunub. Və həmin mövsüm 11 qolla komandanın bombardiri seçilib. 

Elə həmin il FİFA tərəfindən "İlin futbolçusu" adına da layiq görülən Veah, bu ada layiq görülən ilk afrikalı futbolçu olub. .O, 1989, 1994 və 1995-ci illərdə "Afrikada ilin futbolçusu", 1995-ci ildə isə "Avropada ilin futbolçusu" mükafatlarını alıb.  1996-cı ildə "FIFA Fair Play" mükafatlarını və 1998-ci ildə "Afrikalı Əsrin Oyunçusu" mükafatlarını alan Veah Afrikanın yetişdirdiyi ən böyük futbolçu kimi tarixə düşüb. 

Venesuela prezidenti Nikolas Maduro insanlarla birbaşa təmasda olan, avtobus sürücüsü olan bir peşədən gəlir.

Ölkənin paytaxtı Karakasda avtobus sürücüsü kimi çalışan Nikolas Maduro, şübhəsiz ki, bu işdə həyat və insanların istəkləri, ehtiyacları haqqında çox şey öyrənib. Çünki o, gələcəkdə lideri olacağı ölkəsinin bütün istiqamətlərində faktiki olaraq təcrübə toplayıb.

Venesuela lideri həm məktəbdə, həm də sürücü kimi həyatı boyu həmkarlar ittifaqlarında liderlik edib. Onu da əlavə edək ki, Maduro musiqiçi kimi rok konsertləri verən liderdir.