Meksikanın şimal-şərqində Tamaulipas ştatında sərnişin avtobus, qoşqulu traktor və minik avtomobili toqquşub.

APA xəbər verir ki, bu barədə regional Xilasetmə xidməti “Twitter” səhifəsində məlumat yayıb. 

Zəncirvari qəzada azı 5 nəfər həlak olub, 25 nəfər yaralanıb.

Hadisənin Syudad-Viktoriya və Matamoros şəhərləri arasında magistral yolda baş verdiyi bildirilir.

Toqquşmadan sonra avtobus və minik avtomobili tamamilə yanıb. Xəsarət alanlar xəstəxanalara çatdırılıb, onların vəziyyəti ilə bağlı məlumat açıqlanmayıb.

Qəzanın səbəbləri araşdırılır. İlkin məlumata görə, hadisə yol hərəkəti qaydalarının kobud şəkildə pozulması səbəbindən baş verib.