Fransanın “Voxan” şirkətinin layihələndirdiyi “Wattman” model motosikılet öz rekordunu yeniləyib. Avtosfer.az-ın “frandroid.com”a istinadla xəbərinə görə bir müddət əvvəl motosiklet 407 km/saat sürətə çatmağa  nail olmuşdu. Budəfəki sınaqda isə növbəti rekord qeydə alınıb: 466 km/saat. Bəs buna necə nail olunub?
Litium batareyalı motosikletin mühərriki 425 at gücü hasil edir ki, bu da müasir lüks sedanlardakından daha yüksəkdir. Bundan əlavə, texnikanın aerodinamikası mükəmməldir. Havanı yarmağa mane olan soyutma sistemi, qabaq təkər əyləci kimi detallar yoxdur. Mexaniki tormoz yalnız arxa təkərdədir. Soyutma qapalı şəraitdə karbon 4 oksidlə (danışıqda quru buz) həyata keçirilir. 
Motosikletin sürətlənmə zamanı yaratdığı səs təyyarənin qalxarkən çıxarsdığı səslə eyni səviyyədədir. 

İstehsala gəlincə, bu motosiklet cəmi 1 ədəd istehsal edilib. Növbəti mərhələdə texnika 500 km/saat sürətə çatmaq üçün təkmilləşdiriləcək. İkinci nüsxənin hazırlanması nəzərdə tutulmur.