Avtomobil istehsalçısı DS (premium brend “Citroen”) Fransa prezidenti Emmanuel Makron üçün eksklüziv olaraq yığılan unikal “7 Crossback” krossoverini təqdim edib.

Yeni avtomobilin videosu şirkətin “YouTube” kanalında yerləşdirilib.

Eksklüziv avtomobil üçün 1,6 benzin mühərriyi əsasında 300 at gücünə malik hibrid qurğu götürülüb.

Aqreqatlar səkkiz pilləli avtomat sürət qutusu ilə işləyir.

Makron üçün eksklüziv yığılan avtomobil orijinaldan 20 santimetr artırılmış təkər bazası və qorunma dərəcəsi sirr olaraq qalan zirehli kuzovla fərqlənir.

Avtomobil Fransa prezidentlərinin kortejləri üçün standart “Ink Blue” rəngindədir.