Syerra-Leonenin paytaxtı Fritaun şəhərində yanacaq daşıyan tankerin yük maşını ilə toqquşması nəticəsində dəhşətli partlayış baş verib.

Lent.az-ın xarici mediaya istinadla məlumatına görə, hadisə nəticəsində 100-dən çox insan həlak olduğu güman edilir.

Qəzadan sonra şahidlər yerə dağılan yanacağı yığmağa başlayıb. Həmin an yanöın və güclü partlayış baş verib. Bəzi mənbələr həlak olanların sayının ən azı 400 nəfər olduğunu iddia edir. 

Yaxınlıqdakı onlarla ev, mağaza və maşın, eləcə də içərisində sərnişinlərin olduğu avtobus da yanıb.

Həlak olanlarla yanaşı xeyli sayda yanıq xəsarəti alanların olduğu da bildirilir.