Sürücü minik avtomobilinin üzərində daşıdığı yük ilə yolda olan digər sürücülər üçün təhlükəli vəziyyət yaradıb. Təsəvvür edin, avtomobilin üzərində daşınan yüklər yəni armaturlar o qədər uzun olub ki,sürücü həmin armaturları maşının üzərində yolun asfalt hissəsinə sürtə-sürtə aparıb. Qaydaları pozan həmin sürücünü hansı cəza  gözləyir ?

Avtosfer.az xəbər verir ki, minik avtomobilinin üzərində təxminən 8-10 metr uzunluğunda olan metal yükü daşıyır.Arxada hərəkətdə olan avtomobilin sürücüsü isə bu təhlükəni nəzərə alıb ara məsafəsi saxlayaraq hərəkət edir...

50 DU 695 dövlət qeydiyyat nişanı olan minik avtomobilinin sürücüsünün pozduğu bu qayda pozuntusu Gəndob-Yalama yolunun Xaçmaz rayonunun Çinartala kəndindən keçən hissəsində qeydə alınıb.

Avtomobillərin daha çox istifadə etdiyi  bu yolda sürücünün bu hərəkəti təhlükəli vəziyyət yaradıb.Həmin sürücü avtomobilin üzərində uzunluğu təxminən 8-10 metr ölçüdə olan artmaturları asfalat yolun üzərinə sürtə-sürtə aparır.Görüntülərdən də aydın görünür ki,həmin armaturlar  hər an yolun hərəkət hissəsinə dağıla və digər sürücülər üçün təhlükəli vəziyyət yarada bilər.

Qeyd edək ki, bu formada yük daşımayan sürücülər 40 manat cərimə olunurlar.

Leyla