Sfera.az bununla bağlı kiçik araşdırma edib:

Azərbaycan Respublikası Baş nazirinin birinci müavini Yaqub Eyyubov (76) - 24 oktyabr 1945-ci ildə Mingəçevir şəhərində anadan olub.  Eyyubov 1999-2003-cü illərdə Azərbaycan Respublikası Nazirlər Kabinetində Baş nazirin müavini, 2003-cü ildən Azərbaycan Respublikası Baş nazirinin birinci müavinidir.

 

 

Azərbaycan Respublikası Baş nazirinin müavini Əli Əhmədov (68) - 1953-cü il yanvarın 27-də Ermənistan SSR Basarkeçər rayonunun Dərə kəndində anadan olub. O, 22 oktyabr 2013-cü ildən Azərbaycan Respublikası Baş nazirinin müavinidir.

 

Azərbaycan Respublikasının Ədliyyə naziri Fikrət Məmmədov (66) – 1955-ci ildə, 1 iyul tarixində Bakıda anadan olub. O, 1994–2000-ci illərdə Baş prokurorun müavini olub, 2000-ci ilin aprel ayında Azərbaycan Respublikasının ədliyyə naziri təyin edilib.

 

Dini Qurumlarla İş üzrə Dövlət Komitəsinin sədri Mübariz Qurbanlı (67) - 7 yanvar 1954-cü ildə Şəmkir rayonunun Koltəhnəli kəndində anadan olub. Azərbaycan Respublikası Prezidentinin 21 iyul 2014-cü il tarixli Sərəncamı ilə Azərbaycan Respublikasının Dini Qurumlarla İş üzrə Dövlət Komitəsinin sədri təyin edilib.

 

Gəncə Şəhər İcra Hakimiyyətinin başçısı Niyazi Bayramov (65) - 1956-cı il martın 26-da Bakı şəhərində anadan olub. Azərbaycan Respublikası Prezidentinin 28 avqust 2018-ci il tarixli Sərəncamı ilə Gəncə Şəhər İcra Hakimiyyətinin başçısı vəzifəsinə təyin edilib.

 

Sumqayıt şəhər İcra Hakimiyyətinin başçısı Zakir Fərəcov (67) - 1954-cü ildə fevral ayının 3-də Laçın rayonunun Qazıdərə kəndində anadan olub. Azərbaycan Respublikası Prezidentinin 2 sentyabr 2015-ci il tarixili Sərəncamına əsasən Sumqayıt şəhər İcra Hakimiyyətinin başçısı təyin olunub.

 

Ağcabədi Rayon İcra Hakimiyyətinin başçısı Rafil Hüseynov (68) - 14 aprel 1953-cü ildə Bərdə rayonunun Gülgəzli kəndində anadan olub. Azərbaycan Respublikası Prezidentinin 20 noyabr 2019-cu il Sərəncamı ilə Ağcabədi Rayon İcra Hakimiyyətinin başçısı təyin edilib.

 

Ağdaş Rayon İcra Hakimiyyətinin başçısı Tofiq İbrahimov (67) - 1954-cü il yanvarın 1-də Azərbaycan Respublikasının Qəbələ şəhərində anadan olub. Azərbaycan Respublikası Prezidentinin 14 aprel 2012-ci il tarixli Sərəncamı ilə Ağdaş Rayon İcra Hakimiyyətinin başçısı təyin edilib.

 

Qobustan Rayon İcra Hakimiyyətinin başçısı Adil Məmmədov (69) - 15 aprel 1952-ci ildə Vartaşen rayonunun Xaçmaz kəndində anadan olub. 26 aprel 2011-ci ildə Qobustan Rayonu İcra Hakimiyyətinin başçısı təyin edilib.

 

Siyəzən Rayon İcra Hakimiyyətinin başçısı Novruz Novruzov (67) - 1954-cü il mayın 2-də Lerik rayonunun Zövnə kəndində anadan olub. Azərbaycan Respublikası Prezidentinin 5 aprel 2019-cu il tarixli Sərəncamı ilə Siyəzən Rayon İcra Hakimiyyətinin başçısı təyin edilib.

 

Şuşa Rayon İcra Hakimiyyətinin başçısı Bayram Səfərov (70) - 1951-ci ildə Şuşada anadan olub.

 

Zaqatala Rayon İcra Hakimiyyətinin Başçısı Mübariz Əhmədzadə (74) - 15 yanvar 1947-ci ildə Qax rayonunun Qaxmuğal kəndində anadan olub.

 

Zərdab Rayon İcra Hakimiyyətinin başçısı Mərdan Camalov (65) - 27 may 1956-cı ildə Əli Bayramlı (indiki Şirvan) şəhərində anadan olub. Azərbaycan Respublikası Prezidentinin 12 noyabr 2019-cu il tarixli Sərəncamı ilə Zərdab Rayon İcra Hakimiyyətinin başçısı vəzifəsinə təyin edilib.

 

Göyçay Rayon İcra Hakimiyyətinin başçısı Mehdi Səlimzadə (66) - İcra başçısı Vikipediyadan doğum tarixi haqqında məlumatı çıxarsa da, onun 1955-ci il təvəllüdlü olduğu bilinir. O, 2004-cü ildən Ədliyyə Nazirliyinin Bələdiyyələrlə İş mərkəzinin rəisi vəzifəsində çalışıb. Azərbaycan Respublikası Prezidentinin 10 iyun 2016-cı il tarxili sərəncamı ilə Göyçay Rayon İcra Hakimiyyətinin başçısı vəzifəsinə təyin edilib.

 

Qeyd edək ki, Azərbaycanda dövlət büdcəsindən maliyyələşən müəssisələrdə çalışmanın yaş həddi 65-dir. Dövlət büdcəsindən maliyyələşən müəssisənin 65 yaşına çatmış işçisinin həmin müəssisədə çalışma müddəti müvafiq dövlət orqanının rəhbəri tərəfindən hər dəfə 1 ildən çox olmayaraq uzadıla bilər. Çalışma müddətinin 5 ildən çox uzadılmasına yol verilmir. Bu qayda siyasi vəzifə tutanlara aid deyil.