“20 Yanvar” dairəsindən Ziya Bunyadov prospekti istiqamətində tuneldə yol nəqliyyat hadisəsi baş verib. Avtosfer.az xəbər verir ki,  09 BO 440 dövlət nömrə nişanlı yük avtomobili eyni istiqamətdə hərəkət edən 4 minik avtomobili və 13 nömrəli müntəzəm marşrut xətti üzrə hərəkət edən 99 JB 297 dövlət nömrə nişanlı avtobusla toqquşub. 

İlkin məlumata görə qəza yük avtomobilinin əyləc sistemindəki nasazlıq səbəbindən baş verib. Sərnişin avtobusu depoya qayıtdığından sərnişin olmayıb.