Rusiyada təyyarədə qəribə hadisə baş verib. Belə ki, sərnişin stüardessanın çiynindən dişləyib.

Bu barədə Rusiya Daxili İşlər Nazirliyinin mətbuat xidmətində məlumat verilib.

Bildirilir ki, təyyarəyə mindikdən sonra 28 yaşlı qadın sərnişin özünü qeyri-adekvat aparmağa başlayıb. O, göstərilən yerdə oturmaq istəməyib və söyüş söyməyə başlayıb. Stüardessaların bu barədə iradına isə qadın belə qeyri-adi üsulla cavab verib.

Hadisə Anapa-Moskva reysində qeydə alınıb.

Bundan sonra qeyri-adekvat sərnişin uçuşdan kənarlaşdırılıb və onun barəsində Rusiya İnzibati Xətalar Məcəlləsinin “Xırda xuliqanlıq” və “Hava gəmisinin bortunda olan şəxslər tərəfindən hava gəmisi komandirinin qanuni göstərişlərinə əməl etməməsi” maddələri ilə inzibati protokol tərtib edilib.

///oxu.az