Xəbər
verdiyimiz kimi, III qrupda dil-tarix (DT) və tarix-coğrafiya (TC) altqrupları
yaradılıb.
"Beynəlxalq
münasibətlər” və "Regionşünaslıq” ixtisaslarını istəyən abituriyentlərin
imtahanın II mərhələsində Azərbaycan (rus) dili və tarix fənləri ilə yanaşı
coğrafiya fənnindən, DT altqrupuna daxil olan digər ixtisasların müsabiqəsində
iştirak etmək istəyən abituriyentlər isə ədəbiyyat fənnindən imtahan verəcəklər.
Abituriyent
həm ədəbiyyat həm, də coğrafiya fənnindən imtahan verə bilər. İkisindən də
imtahan verənlər III qrupda bütün ixtisasları seçə biləcək.
Maraqlıdır,
sözügedən dəyişiklik imtahan nəticələrinə hansı şəkildə təsir göstərəcək?
Məsələ
ilə əlaqədar Sfera.az-a danışan təhsil eksperti Kamran Əsədov yeni qərarın həm müəllimlər, həm də tələbələr üçün
uğurlu olacağını bildirib:
"Coğrafiya
fənninin III qrupa əlavə ediləcəyi gözlənilən idi, amma bu, yeni formatda həyata
keçirildi. Mövcud yenilik imtahan nəticələrinə ciddi şəkildə təsir göstərməyəcək.
Yeniliyi imtahan nəticəsi aşağı olan abituriyentlərə şans kimi dəyərləndirmək
olar. Belə ki, artıq abituriyentlər təkcə coğrafiya fənnini seçməklə, III
qrupda rahatlıqla tələbə adını qazana biləcəklər. Onu da qeyd edim ki, "Beynəlxalq
münasibətlər” və "Regionşünaslıq” ixtisaslarının III qrupa əlavə edilməsi
abituriyentlərin tələbə adını qazanmaq şansını artıracaq. Bu, həm də coğrafiya
fənni üzrə repititor fəaliyyəti göstərən müəllimlərə də müsbət tədir edəcək”.
Təhsil
eksperti ali təhsil müsəssiələrində qəbul imtahanında keçid balını toplaya bilməyən
abituriyentlər üçün yeni şansın yaranacağını da vurğulayıb:
"Bundan
başqa abituriyentlər dil-tarix ixtisası seçdikdən sonra nəticələri onları qane
etməsə, ikinci dəfə şans qazanacaqlar ki, coğrafiya fənnindən imtahan verməklə
başqa ixtisası da seçə bilsinlər. Ümumilikdə isə imtahan nəticələrinə təsir
göstərəcək bal artımı gözlənilmir. Əksinə, aşağı və keçid balı toplaya bilməyən
abituriyentlərin tələbə adı qazanmaq imkanları yaranacaq. Ümumilikdə isə
coğrafiya fənninin III qrupa daxil edilməsinə müsbət yanaşıram”.
Əzizə
Zeynal