Rusiyalı boksçu Vyaçeslav Dudnik vəfat edib.
Sfera.az bildirir ki, buna səbəb onun həmkarı ilə birlikdə ayı hücumuna məruz qalması olub. Belə ki, 23 yaşlı İlya Medvedev və 48 yaşlı Dudnik İrtiş çayına balıq tutmağa gediblər. Dostlar həmin ərazidə boz ayının hücumuna məruz qalıblar. Ayı tərəfindən parçalanan Dudnik dünyasını dəyişib.
Ardınca ayı Medvedevə hücum edib. Ayını silahla dayandırmağa çalışan boksçu əlindəki bıçaqla heyvanı təsirsiz vəziyyətə salmaq istəyib və boğuşma bir neçə dəqiqə davam edib. Cəhdləri nəticəsiz qalan gənc adamın səsinə yaxınlıqlarda ovlanan bir balıqçı gəlib.
Sözügedən şəxs gördüklərini bu cür ifadə edib: "Qayığımla balıq tutmaq üçün İrtiş çayında idim. Qışqırıq səsləri gəldi və dərhal həmin yerə getdim. Ayı ilə boğuşan qanlar içində qalmış gənc adam var idi. Qorxunc mənzərə idi. Ayı silahdan açılan atəşlərə rəğmən, hücum edirdi. İlyanın silahı düşdü və bıçaqla hücum etməyə başladı. Axırda boksçu ayını öldürdü, amma ağır yaralar aldı. Onu qayığa apardım və ən yaxın xəstəxanaya getdik”.
Məlumata görə, başında və bədənində yırtıqlar olan boksçunun vəziyyəti ağırdır və hazırda müalicə alır.
Qeyd edək ki, Medvedev 2019-cu ildə Silahlı Qüvvələrin boks çempionatında 64 kq çəki dərəcəsində qızıl medal qazanıb.
Günay Rəsulqızı
Sfera.az