ABŞ-ın Nyu-York ştatında ağır yol qəzası baş verib.

“Report”un məlumatına görə, bu barədə “Associated Press” yerli hakimiyyət orqanlarına istinadən xəbər yayıb.

Məlumata görə, sərnişin avtobusunun qəzaya uğraması nəticəsində 50-dən çox insan xəsarət alıb. Yaralıların hamısı xəstəxanaya çatdırılıb.

Qeyd edilir ki, sərnişin avtobusu Niaqara şəlaləsi istiqamətində hərəkət edirmiş. Nəqliyyat vasitəsinin hansı şirkətə məxsus olması məlum deyil.

Həkimlərin sözlərinə görə, xəsarət alanlar arasında uşaqlar da var.