Çinin Çjetszyan əyalətinin sahilində iki gəmi toqquşub.

Bu barədə məlumatı “Xinhua” agentliyi yayıb. Məlumata əsasən, toqquşma nəticəsində 9 nəfər itkin düşüb.

Həmçinin bildirilir ki, insident Zhoushan şəhərinin ərazisində baş verib. Bu zaman yük gəmisi ilə balıqçı gəmisi toqquşub. Balıqçı gəmisində olan 10 nəfər suya düşüb. Onlardan birini xilas etmək mümkün olsa da, digərləri itkin düşüb. Toqquşma nəticəsində balıqçı gəmisi batıb. 

Hazırda itkin düşən şəxslərin axtarışları davam edir.///qafqazinfo