"Biz Paşinyandan Azərbaycanın ərazi bütövlüyünü
tanıması ilə bağlı açıqlama gözləyirik".
Sfera.az xəbər verir ki, bunu "Atlas" Araşdırmalar Mərkəzinin rəhbəri, poltiloq Elxan Şahinoğlu deyib. Politoloq Nikol
Paşinyanın bundan əvvəl də oxşar çıxışlar etdiyini bildirib:
"Paşinyan
son açıqlamasında dostluqdan, sülhdən, regional əməkdaşlıqdan, sərhədlərin müəyyənləşməsindən
və nəqliyyat dəhlizlərinin açılması vacibliyindən danışıb. Paşinyanın sözlərinə
aldanmayaq. O yeni heç nə deməyib. Paşinyan müharibədən bir neçə ay sonra da oxşar
fikirləri söyləmiş, ancaq az sonra ritorikasını dəyişmişdi. Paşinyanın açıqlamalarına
yox, atdığı və atacağı addımlara baxmaq lazımdır. Biz ondan "Ermənistan Azərbaycanın
ərazi bütövlüyünü tanıyır” açıqlamasını gözləyirik - əsas budur".
Qeyd edək ki, Ermənistanın baş naziri Nikol
Paşinyan Azərbaycan prezidenti İlham Əliyevlə görüşməyə hazır olduğunu bəyan edib. Hökumət
iclası zamanı Paşinyan Ermənistanın Azərbaycanla yüksək səviyyədə danışıqlar
prosesində iştirak etməyə hazır olduğunu bildirərək, Ermənistan tərəfinin
konkret təkliflər gözlədiyini qeyd edib.
Əzizə Zeynal
Sfera.az