REAL partiyasının icraçı katibi Natiq Cəfərli
referenduma qarşı çıxan deputatları tənqid edib.
Sfera.az-ın məlumatına görə, Cəfərli
xatırladıb ki, Milli Məclisin 50-yə
yaxın deputatı drijor çubuğu ilə idarə olunan formada eyni anda, eyni məzmunlu
fikirlər səsləndiriblər və onlar Konstitusiya dəyişikliyinə, erkən seçkilərə
qarşı çıxıblar.
Partiya üzvü millət vəkillərinin bu cür fikirləri
səsləndirə biləcəklərini desə də, bu istiqamətdə mövcud bir sıra amilləri doğru
hesab etməyib:
"Sistem dəyişikliyi, Konstitusiya islahatları,
növbədənkənar seçkilər, proporsional seçki sistemi istəyənləri təxribatçı,
"xarici qara qüvvələrə" işləyən, pozucu fəaliyyətlə məşğul olan kimi
təqdim etmələri lap absurddur. Bu təyinolunmuşlar anlamırlar ki, siyasi
diskursda Konstitusiya dəyişikliklərini təklif etmək, erkən seçki tələb etmək
normal bir məsələdir. Bunun harası təxribat oldu?! Bəs yaxşı, sabah erkən seçki təyin etmək kimi
müstəsna səlahiyyəti olan prezident belə bir addım atsa, ona qarşımı
çıxacaqlar?!”.
N.Cəfərlinin fikrincə, son günlər açıqlama verən
deputatların çoxu elə dillərinin badına gedib mandatlarını itirməli olacaqlar:
"Sizə deyən var, danışın?! Sizi işə götürüblər, nə zaman istəsələr də işdən
azad edəcəklər”.
İnci