Bayıl qəsəbəsində yerləşən Səbail rayon Dövlət Yol Polisi şöbəsinin qarşısındakı yolu bir neçə aydır kimlərsə qanunsuz olaraq bağlayıb. Avtosfer.az">Avtosfer.az-a müraciət edən sakinlər yolun bağlanmasına görə əziyyət çəkdiklərini bildirirlər.
Belə ki, Bayıl qəsəbəsində "bəy Mamed" kimi tanınan iş adamının tikdirdiyi binaların arasından əsas yola çıxan hissəyə dəmirlər basdıraraq hərəkəti məhdudlaşdırıblar. Həmin kəsişmədə hətta sola hərəkəti bildirən yol nişanı da quraşdırılıb. Yolda sıxlıq yaranan zaman sürücülər qeyd etdiyimiz köməkçi yoldan istifadə edərək gedəcəkləri məsafəni qısaldırdılar. Lakin maneə quraşdırılandan bəri həmin köməkçi yoldan istifadə etmək mümkünsüz olub.

Ümid edirik ki, aidiyyəti qurumlar sakinlərin narazılığını araşdırıb müvafiq addımlar atacaq.

Təbriz