Son günlər toy karvanlarında baş verən qəza xəbərləri gündəmi məşğul etməkdədir. Bu dəfə baş verən hadisə ciddi bir qəza olmasa da, səbəbkar toy karvanlarını yasa çevirə biləcək potensiala sahib bir sürücüdür. Avtosfer.az bildirir ki, toy karvanında iştirak edən 99-DG-595 nömrə nişanlı “Niva” markalı avtomobilin sürücüsü digər sürücülərlə zarafatlaşarkən ara məsafəsi saxlamadığından qarşısındakı “VAZ 21015” markalı avtomobili arxadan qəsdən vuraraq onun nömrə nişanını əzib, buferini zədələyib.

İdarə etdiyi “Niva”nın önünü qaldıraraq onsuz da qayda pozan sürücünün avtomobilinin arxasındakı əziyindən də bəllidir ki, bu, onun ilk qəzası deyil. 
Qeyd edək ki, elə ötən həftə bir neçə toy karvanı belə sürücülərə görə yasa çevrilmişdi. Yol polisi daim sürücüləri toy karvanlarında nizam-intizama əməl etməyə səsləyir. Qayda pozanları isə elə yerindəcə cəzalandırır. 

Aysel