İmişlidə bazarda baş vermiş yanğın söndürüldü

İmişlidə bazarda baş vermiş yanğın söndürüldü — VİDEO/YENİLƏNDİ

25 İyun 2021 | 21:48

OXUNUB: 1857

19:14

Fövqəladə Hallar Nazirliyinin (FHN) "112” qaynar telefon xəttinə İmişli şəhəri ərazisindəki bazarda yanğın olması barədə məlumat daxil olub.

Sfera.az-ın nazirliyin saytına istinadən verdiyi məlumata görə, məlumat daxil olandan dərhal sonra nazirliyin Dövlət Yanğından Mühafizə Xidmətinin yanğından mühafizə bölmələri yanğının baş verdiyi ünvana cəlb olunub. Hazırda yanğınsöndürmə işləri davam etdirilir.

Əlavə məlumat veriləcək.

***

İmişli rayonunda mərkəzi bazarda yanğın baş verib.

Məlumata görə, hadisə meyvə-tərəvəz satılan hissədə qeydə alınıb.

Alov anidən güclənib, daha sonra geyim əşyası olan hissələrə yayılıb. Yanğının miqyası genişlənərək ətraf əraziləri də cənginə alıb. Yanğının söndürülməsi üçün əraziyə İmişli rayon yanğından mühafizə hissəsinin texnika və canlı qüvvəsi cəlb edilib.

Yanğınsöndürənlər müxtəlif istiqamətlərdən su şırnaqları vurmaqla yanğının qarşısı almağa çalışırlar.

Yanğın zamanı xəsarət alan olmayıb.

Faktla bağlı araşdırma aparılır.

***

İmişli şəhərində yerləşən bazarda baş vermiş yanğın Fövqəladə Hallar Nazirliyinin (FHN) Dövlət Yanğından Mühafizə Xidmətinin yanğından mühafizə bölmələrinin çevik müdaxiləsi nəticəsində məhdudlaşdırılaraq söndürülüb.

Bu barədə Sfera.az FHN-ə istinadən xəbər verir.

Əlavə məlumat veriləcək.