ABŞ-da maşınların da yaşaya biləcəyi ev satılır. Bu ev Pensilvaniya ştatında realtor səhifələrinin birində satışa çıxarılıb.
Avtosfer.az bildirir ki, ilk baxışdan adi evə bənzəyən mülkün sahəsi 1200 hektardır. Burada bir neçə gəzinti parkuru, kvadraçıkl sürmək üçün meydança, sazanlardan ibarət gölməçə və it gəzdirmək üçün sahə görmək mümkündür.  

Tam mənası ilə demək olar ki, bu mülkdə bir avtomobil kolleksiyoneri yaşayıb, çünki evdə 400-ə yaxın avtomobilin yerləşdirilə biləcəyi qədər sahə var. Evin birinci mərtəbəsinin 487 kvadrat metr sahəsi qaraj kimi istifadə olunur. 

Binanın içində isə avtosalonu xatırladan bir güşə var. Mətbəx və qonaq otağınının divarını şüşə ilə əvəz edən ev sahibi burada sevdiyi avtomobilləri nümayiş etdirmək və eyni zamanda çöldəki maşınları da izləmək üçün bir şərait yaradıb. 

Ev sahibi mülkünü 1,75 milyon dollara satmağı düşünür. Bundan əlavə igamətgahı alan şəxs sahəni zəbt etdiyi üçün hər ay elavə olaraq 7 min dollar ödəməlidir.

Aysel