“Ford” şirkəti ABŞ-ın Detroit şəhərində olan tərk edilmiş qatar stansiyasının yerində yeni bina inşa edən zaman işçilər 1913-cü ilə aid olan bir şüşə tapıblar.
Divarın hündür bir yerində gizlədilən şüşənin üzərində “19.07.13” tarixi həkk olunub. 
Maraq doğuran hal isə şüşənin boş olmamasıdır. İçərisində yaşı bir əsrdən çox olan bükülmüş kağız parçası olub. İşçilər 100 illik kağız çıxarılan kimi dağılmasın deyə onu lazım olan temperatur və rütubətə gətirib sonra mesajı oxuyublar.
Kağızda bunlar yazılıb: “Dan Hogan və Leo Smith tərəfindən salamlar. Chicago, 1913 iyul ". Güman edilir ki, bunu yazan şəxslər bir zamanlar burada yerləşən pivə zovudunun işçiləri olub. Onlar bu yolla gələcəyə məktub göndəriblər. Məktub “Ford”-un Michiqan ştatındakı Dearborn arxivinə göndərilib.

Aysel