Ölkə başçısı Təhlükəsizlik Şurasının qətnamələrinin icrasına münasibətdə bu selektiv yanaşmanın qurbanı olduğumuzu da diqqətə çatdırıb.

Mövzu ilə bağlı Sfera.az-a danışan politoloq Qabil Hüseynli İsrailin sevindirici təklifdən boyun qaçırmasının təəccüb doğurduğunu bildirib: "İsrail təkidlə deyir ki, paytaxtı Təl-Əvivdən Qüdsə köçürürəm. Lakin BMT-nin belə bir təklifi var ki, Qüds bütün dinlərin müqəddəs atributlarının cəmləşdiyi məkan kimi beynəlxalq statuslu, müstəqil şəhər olsun, özü-özünü idarə etsin və hər hansı dövlətə deyil, yalnız BMT-nin mandatına tabe olsun. Öncə bu haqda razılıq olsa da, sonradan pozuldu. Razılığın necə və hansı formada pozulması ilə bağlı hər hansı bilgim yoxdur. Lakin zənnimcə, Qüds beynəlxalq şəhər olsa və bütün dinlərin müqəddəs mərkəzi hesab edilsəydi, buraya bütün dinlərdən olan çox sayda turist axını gözlənilərdi.

 

 

Müsahibimiz prezident İlham Əliyevin də BMT-nin qətnamələrinə uyğun olaraq danışdığını bildirib. Q.Hüseynli İsrail Fələstin münasibətlərinin gərginləşməsinə səbəb kimi İran müdaxiləsini göstərib: "Bu ərazilərə gah Fələstin, gah da İsrail oğullarının torpaqları deyirlər. Ərazinin köhnə adı isə Finikiya torpaqlarıdır. BMT hələ 1949-cu ildə bu ərazilərdə Fələstin və İsrail dövlətlərinin yaradılması haqqında mandat verdi. Bu mandata əsasən torpaqların yarıdan çoxu Fələstinin, digər hissəsi isə İsrailin payına düşürdü. İsrailin paytaxtı Təl-Əviv şəhəri elan olunmuşdu, Fələstinlilər isə paytaxt olaraq Qüdsü seçmişdilər. Lakin sonradan 1967-ci il müharibəsindən sonra İsrail qısa müddətdə öz dövlətini quraraq, ordusunu və digər sturukturlarını formalaşdırdı. Bir sözlə, İsrail sürətlə ona ayrılmış əraziləri mənimsəməyə başladı. 1967-ci ildə qonşu ərəb ölkələrinə - Misir, İordaniya, o cümlədən Fələstinə qarşı baş verən müharibədə İsrail qələbə qazandı və Qüdsü öz tərkibinə qatdı.

 

Bu mürəkkəb vəziyyətdə Fələstini qızışdıran İran İslam Respublikasıdır. Amma Fələstinin də dövləti və paytaxtı olmalıdır. İsrail Fələstinə Qüdsün müqabilində onun ərazisindən bir neçə qat çox torpaq təklif edir. Məncə, belə sərgərdan yaşamaqdansa müharibəni dayandıraraq, müəyyən ərazi üzərində dövlət qurmağa başlamaq lazımdır. Nəticə etibarilə fələstinlilər Qüds məsələsində iddia etməməlidirlər.

 

 

Əzizə Zeynal