"Ölkədə xoşagəlməz bir ənənə formalaşıb. Yeni
rəhbər özündən əvvəlki kadrları peşəkarlığıq səviyyəsindən asılı olmayaraq vəzifələrdən
uşaqlaşdırır”.
Bu sözləri Sfera.az-a açıqlamasında Oqtay Şirəliyevin
nazir postundan uzaqlaşdırılmasından sonra səhiyyə sektorunda müşahidə edilən kadr
dəyişikliklərini dəyərləndirərkən ekspert Cümşüd Nuriyev deyib: "Kimisə vəzifədən çıxarıb, yenisini gətirmək Səhiyyə
Nazirliyindən alınıb, TƏBİB-ə verilirsə, birincisi nəyə lazımdır? TƏBİB özünü doğrultmadı, onun rəhbəri ən
ambioz füqurdur. Əhalinin azı 70 faizi bu qurumdan narazıdır. Səhiyyə sahəsində
əməlli-başlı anarxiya yaranıb”.
Həmsöhbətimiz deyir ki, Azərbaycanda səhiyyə
sistemində üçhakimiyyətlilik hökm sürür: "Səhiyyə Nazirliyilə yanaşı, TƏBİB və
Tibbi Sığorta Agentliyi də mövcuddur. Kimə lazımdır, bu qədər yersiz dövlət
qurumları? Bu sahədə nə qədər ki, islahat aparılmayıb, səhiyyə sistemi bundan
da pis duruma düşəcək”.
C. Nuriyevin fikrincə, hazırda Azərbaycan səhiyyəsi
reanimasiyadadır, əməliyyat olunmalıdır: "Özü də koronavirusa tutulub. TƏBİB
özü birbaşa Azərbaycan səhiyyəsinin koronavirusudur.Bura Azərbaycan
Prezidentinin kəskin müdaxiləsi lazımdır. Ölkədə rüşvət də gəncləşib, bu da çox
qorxulu tebndensiyadır. Xaricdə oxuyub gələnlər belə dəhşətli dərəcədə rüşvətə
qurşanıblar. Əvvəllər Azərbaycanı
qocaların rüşvətə qurşanması geri salırdısa, indi gənclərimizin bu əmələ əl
atmaları ölkəni məhvə aparır. Ayılmaq vaxtıdır”.
Elçin