"Bakıda Yol Patrul xidməti avtomobilinin əks yola keçərək qayda pozmasına səbəb onun tədbirə tələsməsi olub". Bunu Bakı Şəhəri Yol Polisi İdarəsinin şöbə rəisi, polis polkovniki Vaqif Əsədov Unikal.org-la əlaqə saxlayaraq bildirib: "Bu o demək deyil ki, bu hadisə nəzarətsiz baş verib, sürücü bunu özbaşına edib. Sadəcə bu avtomobil keçiriləcək tədbir istiqamətində yaranmış süni sıxlığın aradan qaldırılması üçün gedib. Bu da həm yol boyu kameralarla təhlükəsizliyin təmin edilməsi, həm də qəza hadisəsinin baş verməməsi üçün edilib. 
Həmin patrul avtomobilinin sayrışan işıqlarından birində nasazlıq olub. Bu elə təsəvvür yaratmır ki, guya bunun işığı da yanmır. Sadəcə nasazlıq yaranıb, o da artıq aradan qaldırılıb.

13:27
Bakıda Yol Patrul Xidməti avtomobili təhlükə törədib. Avtosfer.az Unikal.org-a istinadən xəbər verir ki, hadisə Hava limanı yolunda qeydə alınıb. Belə ki, YPX avtomobili sayrışan işıqlardan istifadə etmədən yüksək sürətlə əks istiqamətdə hərəkət edib. Bununla da qarşıdan gələn hərəkət iştirakçılarına təhlükə yaradıb.