Qarşıdan Novruz bayramı ilə əlaqədar 9 günlük tətil gəlir. Sürücüləri maraqlandıran suallardan biri də həmin günlərdə Texniki baxış və Qeydiyyat-İmtahan yerlərinin işləyib-işləməyəcəyidir. Avtosfer.az məsələ ilə bağlı Baş Dövlət Yol Polisi İdarəsinə müraciət edib. İdarənin şöbə rəisi,  polis polkovnik-leytenantı Namidan Piriyev bildirib ki, bayram günləri və həftə sonları həm Bakıda, həm də respublikanın digər şəhər və rayonlarında fəaliyyət göstərən bütün Qeydiyyat-imtahan və texniki baxış şöbələri işləyəcək. “Qeyri-iş günlərində nəqliyyat vasitələri sahiblərinin və sürücülərin asudə vaxtlarının daha çox olması nəzərə alınaraq, nəqliyyat vasitələrinin texniki baxışdan keçirilməsi üçün paytaxtın Sabunçu rayonu ərazisində yerləşən Texniki Müayinə Mərkəzi, Qaradağ rayonunda yerləşən (Sədərək Ticarət Mərkəzinin yanı) Müayinə Mərkəzi, habelə nəqliyyat vasitələri ilə bağlı qeydiyyat hərəkətlərinin aparılması məqsədilə Baş Dövlət Yol Polisi İdarəsinin Qeydiyyat-imtahan idarəsi və respublikаnın digər rаyonlаrındаkı regional qeydiyyat-imtahan və texniki baxış şöbələri bayram günləri saat 09:00-dan 18:00-dək fasiləsiz olaraq fəaliyyət göstərəcək.

Sürücülər həm qeydiyyat, həm də texniki baxışla bağlı müraciət edə bilərlər. İş adi günlərdəki kimi davam edəcək".

Orxan