Bakıda yol polisi əməkdaşları sürücünün köməyinə çatıb.  Avtosfer.az-a müraciət edən sürücü qeyd edir ki, Ziya Bünyadov prospektinin sağ hərəkət hissəsi ilə gedərkən avtomobilin mühərriki sönüb. O nə qədər çalışsa da mühərriki işə sala bilməyib. Sürücünün sözlərinə görə ərazidə xidmət edən 99-YP-405 qeydiyyat nişanlı yol patrul xidməti avtomobilindəki polis əməkdaşları onun köməksiz vəziyyətdə qaldığını görərək avtomobilə yaxınlaşıb. Yaranmış nasazlığın səbəbini bildikdən sonra özlərində olan cərəyan ötürücüsü ilə avtomobilin nasazlığını aradan qaldıraraq mühərriki işə salıblar.

Sürücü ona göstərilən köməkliyə görə Dövlət Yol Polisi İdarəsinin rəhbərliyinə təşəkkür edir.

Təbriz Yusubov