“Qafqazinfo” xəbər verir ki, bunu Əsir və itkin düşmüş, girov götürülmüş vətəndaşlarla əlaqədar Dövlət Komissiyası İşçi Qrupunun rəhbəri İsmayıl Axundov keçirdiyi mətbuat konfransında deyib. O bildirib ki, bugünkü konfransda əsirlikdən qurtarılmış 7 hərbi qulluqçumuz iştirak edir. İ.Axundov əlavə edib ki, bu günədək döyüş bölgəsindən 334 Azərbaycan hərbçisinin, 988 erməni hərbçisinin meyiti çıxarılıb: “Hazırda bu proses davam edir”.

“Azərbaycanda 5 erməni əsilli şəxs saxlanılır. Onlardan 2-si hərbi, 3-ü isə mülki şəxsdir. Onlar barədə Beynəlxalq Qızıl Xaç Komitəsinə məlumat verilib”.