Çinin Tangshan şirkəti 350 km/s-a qədər sürət yığa bilən yük qatarı istehsal edib.

TED.az xəbər verir ki, bu barədə Sinxua agentliyi məlumat yayıb.

Məlumata görə, lokomotivin forması nərə balığını xatırladır ki, bu da onun aerodinamik xüsusiyyətlərini yaxşılaşdırır.

Qatarın hazırlanması zamanı UWB yüksək sürətli rabitə texnologiyaları, mobil məlumat ötürülməsi şəbəkəsi və "Beidou" peyk naviqasiya sistemi tətbiq edilib. Qatarın bu cür texniki təchizatı yüklərin dəqiq yerləşdirilməsini, həmçinin qatarlar və stansiyalar arasında əlaqəni təmin edir.

Yeni qatar 600 km-dən 1500 km-ə qədər məsafəyə sürətli yük daşımaları üçün istifadə olunacaq.