Vətən müharibəsində qələbəyə həsr olunan Zəfər paradı başa çatıb.

TED.az xəbər verir ki, Azərbaycan Respublikasının Prezidenti İlham Əliyev, xanımı Mehriban Əliyeva, Türkiyə Respublikasının Prezidenti Rəcəb Tayyib Ərdoğan və xanımı Əminə Ərdoğanın da iştirak etdiyi  Zəfər paradı bir çox maraqlı məqamlarla yadda qalıb.

Onlardan biri də Türkiyənin Milli Müdafiə naziri Hulisi Akarın paradı izləmə tərzi olub. Nazir paradı izləyərkən onu mobil telefonla çəkməyi unutmayıb.

Qeyd edək ki, paradda 3000 nəfərdən artıq şəxsi heyət, 150-dək hərbi texnika, o cümlədən silahlanmaya yeni qəbul edilmiş müasir hərbi texnika, raket və artilleriya qurğuları, hava hücumundan müdafiə sistemləri, eləcə də hərbi gəmi və katerlər nümayiş olunub. Paradda, həmçinin Vətən müharibəsi zamanı Azərbaycan Ordusunun darmadağın edərək düşməndən ələ keçirdiyi hərbi qənimətlərin bir qismi də nümayiş olunub.