Türkiyənin İstanbul şəhərində iki avtomobilin iştirakı ilə baş verən qəzadan sonra sürücülər və sərnişinlər arasında dava olub. Avtosfer.az xəbər verir ki, hadisə Beylikdüzü rayonunda qeydə alınıb. Bu barədə “DHA” məlumat yayıb.

Agentliyin məlumatına görə, rayonun “Atatürk” prospektində iki nəqliyyat vasitəsinin iştirakı ilə qəza baş verib. Hadisədən sonra avtomobilin içərisində olan şəxslər arasında sözlü mübahisə yaşanıb. Mübahisənin böyüməsi ilə tərəflər dalaşmağa başlayıblar. Davanı görən ətrafdakı vətəndaşlar vəziyyəti polisə bildiriblər. Hadisə yerinə gələn asayiş keşikçiləri, dava edən şəxslərə bibər qazı ilə müdaxilə edərək onları ayırıb. Polis davada iştirak edənlərdən 3-ünü həbs edərək bölməyə aparıb, daha 2 nəfər isə aldığı xəsarətlərlə xəstəxanaya yerləşdirilib.

Hazırda faktla bağlı araşdırma başlayıb.

Namiq Musayev