Rusiyada qadının avtomobillə azyaşlını vurma görüntüləri təhlükəsizlik kamerasına düşüb. Avtosfer.az xəbər verir ki, hadisə Vladivostok şəhərində yerləşən ticarət mərkəzlərinin birinin yaxınlığında qeydə alınıb.

Kadrlarda, yanında azyaşlı oğlan olan uşaqlı arabalı qadının irəlilədiyi və bu zaman avtodayanacağa “Toyota Pirus” markalı avtomobilin daxil olduğu görülür.

Ardınca avtomobilin gəldiyini görən azyaşlı yolu qaçaraq tez keçməyə çalışır. Sanki avtomobili gözübağlı sürən qadın 3 yaşlı oğlanı vurur. Zərbənin təsirindən uşaq asfalta dəyir. Ana tez uşağın köməyinə qaçaraq onu qucağına alır və maşın sahibinə öz iradlarını bildirir.

Hadisənin digər təfərrüatları barədə isə məlumat verilmir.

Namiq Musayev