Rusiyanın paytaxtı Moskvada iki minik avtomobilinin iştirakı ilə ağır yol qəzası baş verib. Avtosfer.az xəbər verir ki, hadisə sentyabrın 21-də Ostojenko küçəsində qeydə alınıb. 

Yerli KİV-in məlumatına görə, 26 yaşlı Elmin Quliyev idarə etdiyi “Infiniti markalı minik avtomobillə, hərəkətdə olarkən işıqforun qırmızı işığından keçərək “Меrсеdеs” markalı minik maşını ilə toqquşub.

Zərbənin təsirindən idarəetmədən çıxan “Infiniti”, səkidə irəliləyən 2 piyadanın üzərinə hərəkət edərək onları vurub və daha sonra binaya çırpılıb.

Qəza nəticəsində hər 2 piyada ağır xəsarətlər alıb. Yaralılar, hadisə yerinə çağırılan təcili tibbi yardım briqadasının köməkliyi ilə xəstəxanaya çatdırılıblar.

Faktla bağlı araşdırmalara başlanılıb.

Məlumatda qeyd edilir ki, yenicə reperliyə başlayan E.Quliyav Bakıda doğulub və hazırda Moskvada yaşayır.

Namiq Musayev